Eins og í GTA 5

Segið svo að tölvuleikir hafi ekki áhrif á fólk.

GTA V (fimmta útgáfa af GTA, sem stendur fyrir Grand Theft Auto, leikjaröðinni) kom út fyrir ekki svo löngu síðan og ef þetta væri ekki frett hefði ég haldið að þetta væri lýsing á leiknum. Algengt er að leikmenn séu að flýja frá lörgeglunni. Þegar leikmenn klessa á hluti á bílnum sínum verður hann lélegur og á endanum þarf að skipta um bíl. Þá er einmitt besta leiðin til þess að komast undan að hlaupa að næsta bíl, draga ökumanninn út og halda svo áfram á flóttanum.

Dró konuna út úr bílnum

Er íslenska þjóðin ekki mikið heldur þjóð en Kanar eða Bretar?

Mér þætti gaman að vita hvernig þeir mæla hver er helsta þjóð í heimi. En mér finnst þó mun meira einkenna Íslendinga sem þjóð heldur en Breta og því finnst mér við mikið heldur þjóð en þeir

Hvattir til að leggja jakkafötunum

Ekkert sem smá laxerolía getur ekki lagað...

Ég mundi allavega fara varlega í það að þiggja nokkurn skapaðan hlut frá meðlimum fráfarandi meirihluta ef ég væri Ólafur. Það þarf ekki nema tvöfaldan skammt af laxerolíu og þá er nýr meirihluti lamaður. 

Dagur: Óvanur því að samstarfsmenn segi ekki satt

Verðmæti safnast á fáar hendur:

Eftir þetta verða aðallega þrír aðilar sem eiga Hitaveitu Suðurnesja. Þ.e. Reykjanesbær, GGE og OR. Önnur bæjarfélög munu eiga innan við 0,6% hvert. það ætla ég þó að vona að þetta eigi ekki eftir að gera það að verkum að auðveldara verði að "renna" HS inn í GGE.

Almennt verður það þó að viðurkennast að fjármunir hafa verið að safnast á fárra manna hendur. Það er nánast sama hvert er horft. Það er fákeppni allstaðar. Og hún er að aukast. Hér eru nokkur dæmi:

Matvörur: Kaupás,  Baugur.

Byggingavörur: BYKO, Húsasmiðjan.

Ís: Kjörís, Emmess ís.

Raftæki: Elko, B.T.

Símafyrirtæki: Síminn, OgVodafone.

Flug: Iceland Express, Iceland Air.

...Svona mætti lengi telja. Það virðist þó vera sama hvert er litið. Það eru alltaf einhverjir risar á markaðnum sem gera það að verkum að, nánast ómögulegt, er fyrir menn að stofna fyrirtæki í samkeppni við þá. Þróunin verður sífellt meiri í þessa átt. Nú eru litlu fiskbúðirnar að verða æ sjaldgæfari og í staðin er komið eitthvað sem heitir Fiskisaga. Ég bíð bara eftir þeim sem ætlar að koma á móti svo ekki sé hægt að saka neinn um einokun.

Hér áður fyrr töluðu vinstrimenn oft eins og ríkið ætti að eiga allt. En þó er augljóst að þá vantar alla hvatningu hjá starfsfólki. En þegar fyrirtæki eru orðin svona stór og starfsmannaveltan er svona mikil. Þá gæti hér eins verið um ríkisrekið fyrirtæki að ræða.

Þetta er hlutur sem Íslendingar ættu, alvarlega, að velta fyrir sér. Því að þegar risarnir á mörkuðunum verða svona stórir þá verður ekki aftur snúið. Það þarf að minnsta kosti eitthvað alvarlega mikið að gerast til þess að við fáum aftur eins mikla fjölbreytni á markaðinn og áður var.

 

Samþykkt að selja hlut í HS

Það sem bandaríkjamönnum finnst um íslenskt vatn...

Ef að marka má mið-vitsmuna-stofnunina í bandaríkjunum, þá hafa bandaríkjamenn ekki ýkja hátt álit á íslenska vatninu. En samkvæmt henni er aðal umhverfisvandamálið hér á Íslandi vatnsmengun. Það gæti því reynst þrautin þyngri að markaðssetja Íslenskt vatn þar sem aðal vitsmunastofnunin heldur slíku fram um eina helstu náttúruauðlind okkar Íslendinga.

Mætti ég þá frekar stinga uppá Kína. Þar veit fólk að það veit ekki neitt um Ísland. Jafnvel þeir sem þykjast vera miðja allra vitsmuna...

Icelandic Glacial vekur athygli

Góðar fréttir!

Það er ánægjulegt að heyra að nýja borgarstjórnin er að standa sig og mun ekki láta þennan samruna viðgangast. Nú er bara rétt að vona að þeir eigi eftir að standa við það sem þeir segja um "að tryggja að auðlindir og almenningaveitur verði í eigu almennings". Því að það er deginum ljósara að það er okkar hagur að auðlindir þjóðarinnar safnist ekki á fárra manna hendur.

Það verður spennandi að fylgjast með því hvað kemur út úr fundinum í kvöld. En hvað sem það verður er nýja borgarstjórnin augljóslega búin að gera allt sem í þeirra valdi stendur til þess að hætta við samrunann.

Dagur fær umboð borgarráðs fyrir eigendafund Orkuveitunnar

Ætli það sé skárra á hinum skólastgunum?

Eitthvað segir mér að háskólarnir séu ekki einu skólarnir hér á landi sem þurfa að glíma við þennan vanda. T.d. má sjá á skýrslu sem gerð var á vegum menntamálaráðuneytisins að árin 2003 - 2004 var mjög hátt hlutfall kennara í grunnskólum, ekki með fullnægjandi menntun. Og í skýrslu frá hagstofunni, sem gerð var í mars 2003, segir, um starfsfólk í menntaskólum, að einungis "Um 74% starfsfólks við kennslu hafi kennsluréttindi".

Ég veit ekki með ykkur, lesendur góðir, en ég hef það á tilfinningunni að lítið hafi breyst í þessum málum. Sérstaklega þegar litið er til þess að nemendur úr kennaraháskólanum skila sér oft ekki í kennarastörfin. En fari heldur í einhverjar betur launaðar stöður sem bjóðast fólki með slíka menntun.

Hvert hefur hagvöxtur síðustu ára verið að skila sér? Hefur hann farið í að borga þeim, sem leggja mest til samfélagsins, sómasamleg laun? Eða hefur hann farið í einkennilegar skattalækkanir á þenslu tímum sem skila sér svo í enn meiri þenslu þegar skynsamlegast væri að reyna að slá á þensluna?

Of margir án fullnægjandi menntunar

Óskiljanleg frétt!

Þessi frétt segir mér ekki neitt! Hversu margir sem lásu þessa frétt ætli viti hvað starfrækslugjaldmiðill er?

Það eina sem ég græddi á því að lesa þessa frétt var það að nú veit ég að best er að hafa starfrækslugjaldmiðil fyrirtækis í þeirri mynt sem notuð er í stærstua hluti viðskipta fyrirtækisins

Orðið sjálft finnst mér benda til þess að sú starfsemi sem fyrirtækið rekur fari fram í einhverjum tilteknum gjaldmiðli. Nú er hluti þeirrar starfsemi að geyma peningana mína sem eru íslenskar krónur...

Væri ekki í lagi að koma með smá orðskýringar þegar lykilorð í greininni eru svona fræðileg?

Kaupþing breytir starfrækslugjaldmiðli í evrur

Fegurð?

Sumum finnst hágæða golfvöllur vera fallegri en gamall sveitabær við ströndina með riðguðum dráttarvélum úti á hlaði.

Donald Trump og skoskur sjómaður í hár saman

Reykjavík Energy Invest ekki bara erlendar eignir.

Reykjavík Energy Invest var stofnað í mars til þess að búa til hlutafélag í kring um erlendar eignir Orkuveitu Reykjavíkur. Sem er mjög skiljanlegt þar sem að ríkisrekin fyrirtæki hafa lítið með erlendar fjárfestingar að gera. Enda á það kannski betur heima í einkageiranum.

 Í fréttum frá þeim kemur svo fram að erlendar eignir Orkuveitu Reykjavíkur hafi verið færðar undir félagið. Við samruna félagana kemur hins vegar í ljós skv. frétt á  fréttavef ríkisútvarpsins að eignarhlutur Orkuveitu Reykjavíkur í Hitaveitusuðurnesja hefur augljóslega verið settur undir Reykjavík Energy Invest. Sem var svo Geyser Green.

Dæmið: Orkuveita Reykjavíkur átti 16,58% hlut í Hitaveitu Suðurnesja. Geyser Green átti 32% og eftir sameininguna á sameinaða fyrirtækið 48% hlut í H.S.

Nú er stefnt að því að koma sameinaða fyrirtækinu á hlutabréfamarkað árið 2009. Er hér verið að fara bakdyramegin að því að einkavæða stærri hluta af Hitaveitu Suðurnesja?

Af hverju hefur það hvergi komið fram að Reykjavík Energy Invest hafi átt hitaveitu suðurnesja?

Á Reykjavík Energy Invest í einhverjum öðrum ríkisreknum fyrirtækjum sem verið er að einkavæða svo lítið beri á?

Þetta væri gaman að fá að vita og gott ef fjölmiðlar tækju það hlutverk að sér að rannsaka þessi mál.