Ámundi "segist hafa heyrt af því að forsvarsmenn nokkurra fyrirtækja séu farnir að íhuga það alvarlega að flytja sig um set"

Borgartúnið lítur mikið betur út í dag en það hefur nokkurntíma gert áður. Núna er hægt að labba frá Laugardalslauginni niður í bæ í fallegu og skemmtilegu umhverfi alla leiðina. Eftir að Borgartúnið tók á sig þessa nýju mynd er Reykjavík loksins orðin borg þar sem hægt er að labba langar leiðir í góðu veðri, skoða í búðir og kíkja inn á kaffihús. Borgartúnið er því orðið mjög flott framlegning á miðbænum og tengir austurbæjinn við miðbæjinn á skemmtilegan hátt. Þar eru kaffihús, bakarí og búðir sem gaman er að labba eða hjóla framhjá.

Þó að einhver Ámundi hafi heyrt einhverja segjast vera óánægðir með þetta hef ég fulla trú á því að þessar breytingar eigi eftir að auka verslun í Borgartúninu. Ef einhverjir kjósa að flytja sig um set því að þeir þurfa að labba örfáar húsalengdir í vinnuna þá er það þeirra tap að flytja úr þessari frábæru götu sem Borgartúnið er orðið núna.


mbl.is Íhuga flutning úr Borgartúninu
Tilkynna um óviðeigandi tengingu við frétt

Eins og í GTA 5

Segið svo að tölvuleikir hafi ekki áhrif á fólk.

GTA V (fimmta útgáfa af GTA, sem stendur fyrir Grand Theft Auto, leikjaröðinni) kom út fyrir ekki svo löngu síðan og ef þetta væri ekki frett hefði ég haldið að þetta væri lýsing á leiknum. Algengt er að leikmenn séu að flýja frá lörgeglunni. Þegar leikmenn klessa á hluti á bílnum sínum verður hann lélegur og á endanum þarf að skipta um bíl. Þá er einmitt besta leiðin til þess að komast undan að hlaupa að næsta bíl, draga ökumanninn út og halda svo áfram á flóttanum.


mbl.is Dró konuna út úr bílnum
Tilkynna um óviðeigandi tengingu við frétt

Er íslenska þjóðin ekki mikið heldur þjóð en Kanar eða Bretar?

Mér þætti gaman að vita hvernig þeir mæla hver er helsta þjóð í heimi. En mér finnst þó mun meira einkenna Íslendinga sem þjóð heldur en Breta og því finnst mér við mikið heldur þjóð en þeir
mbl.is Hvattir til að leggja jakkafötunum
Tilkynna um óviðeigandi tengingu við frétt

Ekkert sem smá laxerolía getur ekki lagað...

Ég mundi allavega fara varlega í það að þiggja nokkurn skapaðan hlut frá meðlimum fráfarandi meirihluta ef ég væri Ólafur. Það þarf ekki nema tvöfaldan skammt af laxerolíu og þá er nýr meirihluti lamaður. 


mbl.is Dagur: Óvanur því að samstarfsmenn segi ekki satt
Tilkynna um óviðeigandi tengingu við frétt

Verðmæti safnast á fáar hendur:

Eftir þetta verða aðallega þrír aðilar sem eiga Hitaveitu Suðurnesja. Þ.e. Reykjanesbær, GGE og OR. Önnur bæjarfélög munu eiga innan við 0,6% hvert. það ætla ég þó að vona að þetta eigi ekki eftir að gera það að verkum að auðveldara verði að "renna" HS inn í GGE.

Almennt verður það þó að viðurkennast að fjármunir hafa verið að safnast á fárra manna hendur. Það er nánast sama hvert er horft. Það er fákeppni allstaðar. Og hún er að aukast. Hér eru nokkur dæmi:

Matvörur: Kaupás,  Baugur.

Byggingavörur: BYKO, Húsasmiðjan.

Ís: Kjörís, Emmess ís.

Raftæki: Elko, B.T.

Símafyrirtæki: Síminn, OgVodafone.

Flug: Iceland Express, Iceland Air.

...Svona mætti lengi telja. Það virðist þó vera sama hvert er litið. Það eru alltaf einhverjir risar á markaðnum sem gera það að verkum að, nánast ómögulegt, er fyrir menn að stofna fyrirtæki í samkeppni við þá. Þróunin verður sífellt meiri í þessa átt. Nú eru litlu fiskbúðirnar að verða æ sjaldgæfari og í staðin er komið eitthvað sem heitir Fiskisaga. Ég bíð bara eftir þeim sem ætlar að koma á móti svo ekki sé hægt að saka neinn um einokun.vs

Hér áður fyrr töluðu vinstrimenn oft eins og ríkið ætti að eiga allt. En þó er augljóst að þá vantar alla hvatningu hjá starfsfólki. En þegar fyrirtæki eru orðin svona stór og starfsmannaveltan er svona mikil. Þá gæti hér eins verið um ríkisrekið fyrirtæki að ræða.

Þetta er hlutur sem Íslendingar ættu, alvarlega, að velta fyrir sér. Því að þegar risarnir á mörkuðunum verða svona stórir þá verður ekki aftur snúið. Það þarf að minnsta kosti eitthvað alvarlega mikið að gerast til þess að við fáum aftur eins mikla fjölbreytni á markaðinn og áður var.

 


mbl.is Samþykkt að selja hlut í HS
Tilkynna um óviðeigandi tengingu við frétt

Það sem bandaríkjamönnum finnst um íslenskt vatn...

Ef að marka má mið-vitsmuna-stofnunina í bandaríkjunum, þá hafa bandaríkjamenn ekki ýkja hátt álit á íslenska vatninu. En samkvæmt henni er aðal umhverfisvandamálið hér á Íslandi vatnsmengun. Það gæti því reynst þrautin þyngri að markaðssetja Íslenskt vatn þar sem aðal vitsmunastofnunin heldur slíku fram um eina helstu náttúruauðlind okkar Íslendinga.

Mætti ég þá frekar stinga uppá Kína. Þar veit fólk að það veit ekki neitt um Ísland. Jafnvel þeir sem þykjast vera miðja allra vitsmuna...


mbl.is Icelandic Glacial vekur athygli
Tilkynna um óviðeigandi tengingu við frétt

Góðar fréttir!

Það er ánægjulegt að heyra að nýja borgarstjórnin er að standa sig og mun ekki láta þennan samruna viðgangast. Nú er bara rétt að vona að þeir eigi eftir að standa við það sem þeir segja um "að tryggja að auðlindir og almenningaveitur verði í eigu almennings". Því að það er deginum ljósara að það er okkar hagur að auðlindir þjóðarinnar safnist ekki á fárra manna hendur.

Það verður spennandi að fylgjast með því hvað kemur út úr fundinum í kvöld. En hvað sem það verður er nýja borgarstjórnin augljóslega búin að gera allt sem í þeirra valdi stendur til þess að hætta við samrunann.


mbl.is Dagur fær umboð borgarráðs fyrir eigendafund Orkuveitunnar
Tilkynna um óviðeigandi tengingu við frétt

Ætli það sé skárra á hinum skólastgunum?

Eitthvað segir mér að háskólarnir séu ekki einu skólarnir hér á landi sem þurfa að glíma við þennan vanda. T.d. má sjá á skýrslu sem gerð var á vegum menntamálaráðuneytisins að árin 2003 - 2004 var mjög hátt hlutfall kennara í grunnskólum, ekki með fullnægjandi menntun. Og í skýrslu frá hagstofunni, sem gerð var í mars 2003, segir, um starfsfólk í menntaskólum, að einungis "Um 74% starfsfólks við kennslu hafi kennsluréttindi".

Ég veit ekki með ykkur, lesendur góðir, en ég hef það á tilfinningunni að lítið hafi breyst í þessum málum. Sérstaklega þegar litið er til þess að nemendur úr kennaraháskólanum skila sér oft ekki í kennarastörfin. En fari heldur í einhverjar betur launaðar stöður sem bjóðast fólki með slíka menntun.

Hvert hefur hagvöxtur síðustu ára verið að skila sér? Hefur hann farið í að borga þeim, sem leggja mest til samfélagsins, sómasamleg laun? Eða hefur hann farið í einkennilegar skattalækkanir á þenslu tímum sem skila sér svo í enn meiri þenslu þegar skynsamlegast væri að reyna að slá á þensluna?


mbl.is Of margir án fullnægjandi menntunar
Tilkynna um óviðeigandi tengingu við frétt

Óskiljanleg frétt!

Þessi frétt segir mér ekki neitt! Hversu margir sem lásu þessa frétt ætli viti hvað starfrækslugjaldmiðill er?

Það eina sem ég græddi á því að lesa þessa frétt var það að nú veit ég að best er að hafa starfrækslugjaldmiðil fyrirtækis í þeirri mynt sem notuð er í stærstua hluti viðskipta fyrirtækisins

Orðið sjálft finnst mér benda til þess að sú starfsemi sem fyrirtækið rekur fari fram í einhverjum tilteknum gjaldmiðli. Nú er hluti þeirrar starfsemi að geyma peningana mína sem eru íslenskar krónur...

Væri ekki í lagi að koma með smá orðskýringar þegar lykilorð í greininni eru svona fræðileg?


mbl.is Kaupþing breytir starfrækslugjaldmiðli í evrur
Tilkynna um óviðeigandi tengingu við frétt

Fegurð?

Sumum finnst hágæða golfvöllur vera fallegri en gamall sveitabær við ströndina með riðguðum dráttarvélum úti á hlaði.Dráttarvél
mbl.is Donald Trump og skoskur sjómaður í hár saman
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband